Venesuela parlamenti mamlakat prezidentini «iste'fo»ga chiqardi

Venesuela parlamenti mamlakat prezidenti Nikolas Maduroni o‘z lavozimidan iste'fo bergan deb topdi. Bu haqda El Tiempo yozmoqda.

Parlament Maduroni mamlakatda iqtisodiy inqirozga yo‘l qo‘yganlikda ayblagan. Davlat rahbari o‘z lavozimidan iste'fo berish g‘oyasini 106 nafar parlamentariy ma'qullagan. 3 kishi betaraf qolgan. Bundan tashqari, ular mamlakatda yangi prezidentlik saylovi muddati tayinlanishini talab qilishgan. 

Venesuela Konstitutsiyasi 233-moddasiga muvofiq, mamlakat parlamenti yoki Milliy assambleya davlat rahbarining lavozimidan iste'foga chiqqanini tan olishi mumkin, biroq, unga impichment e'lon qila olmaydi. 

Venesuela Oliy sudi esa, mamlakat parlamenti prezidentni iste'foga chiqarish uchun «hech qanday vakolatga ega emas»ligini qayd etgan.