Mo‘sulga berilgan havo zarbalarida 30 nafar mahalliy aholi qurbon bo‘ldi

Iroqning Mo‘sul shahri aholisinining ma'lum qilishicha, IShID jangarilari nazoratida bo‘lgan hududga berilgan havo zarbalari 30 nafar tinch aholi vakilining umriga zomin bo‘lgan. Bu haqda Reuters agentligi xabar qilmoqda.

Ularning so‘zlariga ko‘ra, shaharning g‘arbiy tumanida uchta snaryad portlagan. Bu yerda jangarilar yetakchilaridan birining uyi nishonga olingani ehtimol. 

Xabarlarda ta'kidlanishicha, portlash vaqtida jangari uyda bo‘lmagan, biroq, uning oila a'zolari qurbon bo‘lgan. 

Avvalroq, Iroq harbiylari Mo‘suldagi Naynavo viloyat boshqarmasining binosini IShIDdan ozod qilgani haqida xabar qilgan edi.