Xitoyda 50 ta zavod qalbaki souslar ishlab chiqarilishga tekshirilmoqda

Xitoyda mashhur ziravorlar va souslar qalbakilashtirilishi haqidagi xabarlardan keyin 50 ta zavod tekshirila boshlandi.

Beijing News nashrining ma'lum qilishicha, u bu holat bo‘yicha maxsus tergov o‘tkazgan va Tyantszin shahri yaqinidagi zavodlar ziravorlar, soya sousi va sirka olishda inson uchun yaroqsiz bo‘lgan masalliqlar, misol uchun sanoat tuzi ishlatishini aniqlagan.

Qalbakilashtirilgan mahsulotlar orasida Maggi, Knorr va Nestle kabi mashhur brendlarning mahsulotlari bo‘lgan.

Xitoyning oziq-ovqat mahsulotlari va dori-darmonlar sifati bo‘yicha boshqarmasi politsiya vakillari tekshiruv o‘tkazgani Tyantszinga yuborilganini ma'lum qilgan.