O‘zbekiston TIVda YeXHTning O‘zbekistondagi koordinatori bilan uchrashuv bo‘lib o‘tdi

2017 yilning 18 yanvar kuni O‘zbekiston Respublikasi Tashqi ishlar vazirligida Yevropa xavfsizlik va hamkorlik tashkilotining (YeXHT) O‘zbekistondagi koordinatori Jon S.MakGregor bilan uchrashuv bo‘lib o‘tdi. Bu haqda O‘zbekiston TIV rasmiy sayti orqali ma'lum qilindi. 

Muloqot chog‘ida 2016 yilda hamkorlik yakunlari sarhisob qilindi hamda 2017 yilda aloqalarni avvalo qo‘shma loyihalarni amalga oshirish sohalarida rivojlantirish istiqbollari muhokama qilindi.

Suhbat davomida O‘zbekiston va YeXHT munosabatlarining boshqa dolzarb masalalar ham ko‘rib chiqildi.