Tramp Afg‘onistondagi amerikalik harbiylar bilan suhbatlashdi

AQSh prezidenti Donald Tramp inauguratsiya munosabati bilan tashkil etilgan tantanali bazmda Afg‘onistondagi amerikalik harbiylar bilan suhbatlashdi. Bu videoaloqa orqali ro‘y berdi. Tadbir translyatsiyasi CNN telekanali orqali efirga uzatildi.

Prezident harbiylarga o‘z ishini juda yaxshi bajarayotganliklarini aytib o‘tgan.

«Siz eng zo‘r insonlarsiz. Biz sizlar bilan. Kurash olib borishda davom eting. Biz g‘alaba qozonamiz», - dedi u.

O‘z navbatida, harbiy xizmatchilar Trampni prezidentlik lavozimiga kirishgani bilan tabriklashdi.

Shuningdek, Donald va Melanya Tramplar inauguratsiya munosabati bilan tashkil etilgan bazmda birinchi bo‘lib raqsga tushishgan.