Toshkent jamoat avtobuslarida elektron to‘lov tizimi joriy etiladi

Poytaxtdagi avtobuslarga elektron to‘lov tizimi uskunalari 2017 yilning oxiriga qadar o‘rnatilishi rejalashtirilmoqda. Toshkent shahar hokimligida «Toshshahartransxizmat» tomonidan o‘tkazilgan matbuot anjumanida shu haqda ma'lum qilindi, deb yozmoqda uz24.uz sayti. 

Ma'lum qilinishicha, ayni vaqtda Toshkent shahridagi jamoat transportlarida avtomatlashgan tizimni joriy etish loyihasi tayyorlanmoqda. 

Avtomatlashgan tizim 2 asosiy element - smart-kartalar hamda validatorlardan iborat bo‘ladi. Yo‘lovchi avtobusga chiqishda kartani validatorga yaqinlashtiradi va uskuna 0,3 soniya ichida undan kerakli summani yechib oladi.