Turkiya prezidenti Britaniya bosh vaziri bilan uchrashdi

Turkiya prezidenti Toyyib Erdo‘g‘an shanba kuni Buyuk Britaniya bosh vaziri Tereza Meyni qabul qildi. Bu haqda Turkiya yetakchisi rasmiy saytida xabar berildi.

Uchrashuv Anqaradagi prezidentlik majmuasida bo‘lib o‘tgan, muloqot nima haqida kechgani borasida ma'lumotlar yo‘q.

Meyning rasmiy tashrifi dasturida shuningdek Turkiya bosh vaziri Binali Yildirim bilan muzokaralar o‘tkazish ham rejalashtirilgan. Ularning yakuniga ko‘ra Mey va Yildirimning qo‘shma matbuot anjumani bo‘lib o‘tadi. Shundan so‘ng ikki hukumat rahbarlari ishtirokida kechki ovqat tashkillashtiriladi.

Avvalroq Turkiya bosh vaziri ma'muriyati mamlakatga bir kunlik tashrif bilan kelgan Mey ushbu davlat rahbariyati bilan terrorchilik bilan kurash, Kipr muammosini hal qilish va YeI bilan o‘zaro munosabatlarni muhokama qilishi haqida xabar bergandi.