Xitoyning Chjetszyan provinsiyasidagi Ninbo shahrida joylashgan hayvonot bog‘ida yo‘lbarslar qafasga haddan tashqari yaqin kelgan kishini tortib ketib, uni tilka-pora qilishdi.
Markaziy televideniyening ma'lum qilishicha, voqea 29 yanvar kuni mahalliy vaqt bilan soat 14:00 atrofida sodir bo‘lgan va uning videosi YouTube’da paydo bo‘lgan.
Guvohlarning so‘zlariga ko‘ra, yo‘lbars qafasga haddan tashqari yaqin kelgan sayyohga hujum qilgan va uni yirtqichlar makoniga tortib ketgan.
Internetda tarqalgan videolardan katakda uch yo‘lbars insonga hujum qilgani ma'lum bo‘lgan. Manbada ta'kidlanishicha, favqulodda holat yuzaga kelgan joyda jabrlanuvchining ayoli va farzandi ham bo‘lgan. Politsiya va hayvonot bog‘i xodimlari petardlardan foydalanib, yirtqichlarni to‘xtatishga urinishgan. Guvohlarning ma'lum qilishicha, hujum qilgan yo‘lbars o‘ldirilgan.
Manbaga ko‘ra, jabrlanuvchi olingan jarohatlardan keyin hayotdan ko‘z yumgan. Voqea tafsilotlari o‘rganilmoqda.
