Poroshenko: “Jahon Rossiyaga yanada faolroq bosim o‘tkazishi kerak”

Ukraina prezidenti Pyotr Poroshenko Slovakiya prezidenti Andrey Kiska bilan telefon orqali muloqotda jahon Rossiyaga faolroq bosim o‘tkazishi lozim, deb ma'lum qildi.

Tomonlar suhbat davomida Donbassdagi vaziyatni muhokama qilishdi, deb xabar berdi Ukraina prezidenti sayti.

«Jahon Rossiyaga o‘t ochishni to‘xtatish uchun yanada faolroq bosim o‘tkazishi lozim», - dedi Poroshenko.

U shuningdek Yevropa Ittifoqining Rossiyaga qarshi sanksiyalari Minsk kelishuvlari to‘la bajarilmagunga qadar amalda qoldirilishi lozimligini yana bir bora ma'lum qildi.