Moskva ko‘chalarida ilk mahalliy elektrobus harakatlana boshladi

Moskvada M2 yo‘nalishi bo‘yicha Rossiyada ishlab chiqarilgan LiAZ-6274V elektrobusi harakatlana boshladi. Bu haqda "Mosgortrans" kompaniyasi ma'lum qilgan.
Bu yangi transport vositasi sinovlarining asosiy bosqichidir.

Elektr avtobus tashqaridan oddiy avtobusdan uncha farq qilmaydi, uning bortiga "Elektrobus" yozuvi tushirilgan va yorqin ko‘k rangdagi shtepsel vilkasi chizilgan. Elektrobus 90 yo‘lovchiga mo‘ljallangan va 27 ta o‘rindiqqa ega. Avtobusning maksimal tezligi 80 km/soatni tashkil qiladi. Transport vositasi kuniga 10-20 daqiqadan 3 marta quvvatlanadi.