20:55 / 19.02.2017
12972

Istanbuldagi yangi masjidga dunyodagi eng katta qubba o‘rnatildi

Foto: DHA

Balandligi - 7,77 metr, og‘irligi 4,5 tonna bo‘lgan dunyodagi eng yirik qubba 18 fevral kuni Istanbul shahridagi yangi Çamlıca masjidiga o‘rnatildi. Bu haqida DailySabah nashri xabar berdi

Zanglamas po‘latdan ishlangan nanotexnologiya muhandislik mahsuli bo‘lgan qubba turk firmasi tomonidan yaratilgan bo‘lib, maxsus jarayon yordamida tillarangga aylantirildi. 

Rasmiylarning ma'lumotiga ko‘ra, Turkiyadagi eng katta masjid 60 000 kishini o‘ziga sig‘dira oladi. 

Manbaga ko‘ra, qurilish maydonida umumiy hisobda 700 kishi mehnat qilmoqda. Loyiha 2017 yilda tugallanadi. 

Kutubxona, turk islom san'ati muzeyi, seminar va konferensiyalar zalini ham o‘z ichiga olgan inshoot loyihasi ikki ayol-me'mor - Bahor Mizrak va Xayriya Gula Totu tomonidan ishlab chiqilgan. Uning byudjyeti 150 million turk lirasi (41,3 million dollar)ni tashkil qiladi. 

Masjid minoralari balandligi 107,1 metrdan iborat - bu Madinadagi masjiddan ham baland demakdir. 

Top