Hindistonning Karnataka shtatining Dxarvad shahrida yashovchi o‘n yetti yoshli fuqaro o‘z dafn marosimiga olib ketishayotganda hushiga keldi, deb yozmoqda Times of India gazetasi.
Yigitning ota-onasi uni bir oy avval boshpanasiz it tishlab olgani, shundan so‘ng u bir necha hafta yuqori tana haroratidan aziyat chekkanini xabar berishdi. Uning ahvoli yomonlashgach, kasalxonaga olib borishgan.
Kasalxonada o‘smirni jonlantirish bo‘limiga yotqizishdi. Tibbiyot xodimlari u hayot bilan ta'minlash qurilmasisiz omon qolmasligini xabar qilishgan, biroq yaqinlari murakkab moddiy holat tufayli davolash muolajalarini to‘xtatishga qaror qilishdi hamda o‘g‘illarini uyga olib ketishgan. U bir qancha vaqtdan so‘ng olamdan o‘tgandek tasavvur uyg‘otgan hamda ota-onasi uni hayotdan ko‘z yumdi, deb o‘ylashgan.
Belgilangan kunda motam marosimi o‘tishi kerak bo‘lgan qishloqqa qarab yo‘l olishadi. U yerga yetishga taxminan ikki kilometr qolganida o‘smir hushiga kelib, og‘ir nafas ola boshlagan va qo‘l hamda oyoqlarini qimirlatgan.
Shifokorlarning ma'lumotiga ko‘ra, u ayni damda meningoensefalit tashxisi bilan kasalxonaga joylashtirilgan.
