Turkiya Gvineyada masjid va madrasa qurib berdi

Gvineya poytaxti Konakrida sulton Abdul-Hamid II madrasa va masjidi ochildi. Ular Turkiyaning İDDEF assotsiatsiyasi tomonidan qurib berildi.

Madrasa va masjid Mahmud Ustausmono‘g‘li nomidagi majmua hududida joylashgan bo‘lib, uning qurilishi hamon davom etmoqda.

Ochilish marosimida İDDEF direktorlar kengashi rahbari Shavkat Ustausmono‘g‘li va turk delegatsiyasi a'zolari ishtirok etishgan.

Marosim davomida Qur'oni karimdan oyatlar o‘qildi.

Mahmud Ustausmono‘g‘li nomidagi majmua 21 ming kvadrat metrga teng hududda joylashgan bo‘lib, mamlakatdagi eng yirik diniy obekt sanaladi.

Majmua hududining asosiy qismida sulton Abdul-Hamid II masjidi joylashgan, bu yerda bir vaqtning o‘zida yetti ming kishi ibodat qilishi mumkin.

Majmua hududida shuningdek o‘g‘il bolalar va qizlar uchun madrasalar, 100 kishiga mo‘ljallangan tibbiyot markazi, uch ming kishilik oshxona hamda mehmonxona ham quriladi.