Nyu-Yorkda Trampga tegishli osmono‘par binoda yong‘in chiqdi

Nyu-York shahrida AQSh prezidenti Donald Trampga tegishli bo‘lgan Trump International Hotel and Tower mehmonxonasining osmono‘par binosida yong‘in chiqdi.

Associated Press xabariga ko‘ra, yong‘in jiddiy bo‘lmagan va ayni vaqtga kelib o‘chirib bo‘lingan.

Yong‘in mahalliy vaqt bilan soat 4:15da, binoning 47-qavatida boshlangan. Yong‘in sababi hozircha aniq emas, taxminlarga ko‘ra, bu elektr ta'minoti tizimidagi muammo tufayli ro‘y bergan bo‘lishi mumkin.

Hodisa oqibatida bir kishi jabrlangan va shifoxonaga olib ketilgan.