22:20 / 05.03.2017
12813

Facebook'da islom dinini haqorat qilgan shaxs qo‘lga olindi

Foto: Phocalmedia

Hindistonning 31 yoshli fuqarosi ijtimoiy tarmoqlarda islom dini va Muhammad payg‘ambarni haqorat qilgani uchun BAA sudi oldida javob beradi. Khaleej Times nashri shu haqida xabar berdi

Ma'lum bo‘lishicha, elektr payvandchi bo‘lib ishlovchi bu shaxs 2016 yilning 7 noyabrida islomni tanqid qilgan postini o‘chirib tashlagan, biroq tergov vakillari yozuv nusxalarini qo‘lga kiritishgan, matn tarjima qilinib, ma'lumotlar Dubay prokuraturasiga taqdim etilgan. 

Hindiston fuqarosi Facebook'dagi sahifasida post yozganidan ikki kun o‘tib, Dubay xalqaro aeroportida mamlakatni tark etishga urinayotganida qo‘lga olingan.

Ayblanuvchining mobil telefoni tortib olingan. Mazkur tergov ishi bo‘yicha yakuniy hukm 21 mart kuni e'lon qilinadi. 

Top