Koreya RQM tizimlarini zudlik bilan joylashtirishni so‘ramoqda

Janubiy Koreya prezidenti v.b. Xvan Gyo An AQShdan Koreya yarim orolida raketa hujumlariga qarshi mudofaa vositalarini zudlik bilan joylashtirishni so‘ramoqda. Davlat rahbari KXDR navbatdagi raketa sinovini o‘tkazgach, Vashingtonga shunday murojaat qilmoqda, deb xabar qilgan Reuters agentligi.

Xvanning so‘zlariga ko‘ra, Seul KXDR raketalaridan himoya qiluvchi mudofaa tizimlarini imkon qadar tezroq o‘rnatilishiga muhtoj. 

Avvalroq, Yaponiya vazirlar mahkamasi bosh kotibi Yosixide Suga Shimoliy Koreya Yapon dengizi tomon 4ta raketa uchirgani haqida bayonot bergan edi. 

U, shuningdek, KXDR uchirgan raketalardan uchtasi Yaponiya iqtisodiy hududiga tushganini ta'kidlagandi.