Moskvada muz yomg‘ir 60 dan ko‘proq kishining jarohatlanishiga sabab bo‘ldi

Moskvada 6 mart kuni kechki payt yoqqan muz yomg‘ir sababli 60 dan ko‘proq kishi tibbiy yordam so‘rab tibbiyot muassasalariga murojaat qilgan. Bu haqda "Interfaks" axborot agentligiga Moskva sog‘liqni saqlash departamentida ma'lum qilingan. 

"Poytaxt shifokorlari o‘tgan sutka ichida muz yomg‘irdan jabrlangan 67 kishiga yordam ko‘rsatishdi", deb aytilgan xabarda.

6 mart kuni Moskva yo‘llarida kuchli yaxvonlik yuzaga kelgan. Ob-havo mutaxassislarining ma'lumotlariga ko‘ra, u ichi suv, tashqarisi esa muz bilan qoplangan "haddan ziyod sovib ketgan yomg‘ir tomchilari" sababli yuzaga kelgan. Bu muz yomg‘ir tomchilari yerga tushganda muz qatlamini yuzaga keltirgan.

Shuningdek, shaharda yaxvonlik sababli 700 ga yaqin yo‘l-transport hodisasi yuz bergan.