Davlat departamenti: Tillerson va uning jamoasi Rossiya bilan Suriya bo‘yicha hamkorlikni o‘rganmoqda

AQSh davlat kotibi Reks Tillerson va uning jamoasi Rossiya bilan «Suriya masalasi bo‘yicha olg‘a harakat qilish» imkoniyatini o‘rganib chiqmoqda. Bu haqda davlat departamentining yuqori lavozimli vakili ma'lum qildi, deb xabar qilmoqda RIA Novosti agentligi. 

Uning so‘zlariga ko‘ra, Tillerson «Rossiyani jiddiy hurmat qiladi». Manbaning qo‘shimcha qilishicha, «shunday sohalar borki, ular Amerika uchun o‘ziga xos chaqiriqdir, bularni hal etish talab etiladi».

Davlat departamenti vakili, shuningdek, AQSh Suriya bo‘yicha navbatdagi Ostona muzokaralarida kuzatuvchi bo‘lib qolishiga doir ehtimolini bildirdi.