Nepaldagi avtohalokatda 24 kishi halok bo‘ldi

Nepalda avtobus ishtirokidagi yo‘l-transport hodisasida 24 kishi halok bo‘ldi va yana 41 kishi jarohat oldi. Bu haqda Nepal OAV ma'lum qildi.

Voqea 9 mart kuni mamlakat g‘arbidagi Jayarkot tumanida yuz bergan. Avtobus Kxalanga aholi punktidan Kxara qishlog‘iga ketayotganda yo‘ldan chiqib ketib, 200 metrcha qiyalikdan pastga tushib ketgan.

Politsiyada yo‘l-transport hodisasiga tezlikning oshirilishi sabab bo‘lgani taxmin qilinmoqda. Voqea vaqtida avtobusda 60 dan ko‘proq yo‘lovchi bo‘lgan.