Putin Rossiya xavfsizlik kengashi bilan Suriya masalasini muhokama qildi

Rossiya prezidenti Vladimir Putin Rossiya xavfsizlik kengashi a'zolari bilan tezkor yig‘ilish doirasida Suriyadagi vaziyatni tartibga solish va ichki kun tartibining dolzarb masalalarini muhokama qildi. 

Bu haqda Putinning matbuot kotibi Dmitriy Peskov ma'lum qildi, deb xabar bermoqda TASS axborot agentligi.  

"Yig‘ilish davomida Rossiyaning ichki ijtimoiy-iqtisodiy kun tartibining dolzarb masalalari ko‘rib chiqildi. Xalqaro masalalardan esa turk tomoni bilan o‘tkazilgan bugungi muzokaralar inobatga olingan holda Suriyadagi vaziyatni tartibga solish mavzusi bo‘yicha fikrlar almashildi", deb aytdi Peskov.