Путин Россия хавфсизлик кенгаши билан Сурия масаласини муҳокама қилди

Россия президенти Владимир Путин Россия хавфсизлик кенгаши аъзолари билан тезкор йиғилиш доирасида Суриядаги вазиятни тартибга солиш ва ички кун тартибининг долзарб масалаларини муҳокама қилди. 

Бу ҳақда Путиннинг матбуот котиби Дмитрий Песков маълум қилди, деб хабар бермоқда ТАСС ахборот агентлиги.  

"Йиғилиш давомида Россиянинг ички ижтимоий-иқтисодий кун тартибининг долзарб масалалари кўриб чиқилди. Халқаро масалалардан эса турк томони билан ўтказилган бугунги музокаралар инобатга олинган ҳолда Суриядаги вазиятни тартибга солиш мавзуси бўйича фикрлар алмашилди", деб айтди Песков.