Chovusho‘g‘luga Fransiyadagi namoyishda ishtirok etishga ruxsat berilgani tanqid qilindi

Fransiya hukumati Turkiya tashqi ishlar vaziri Mavlud Chovusho‘g‘lu ishtirokida namoyish o‘tkazilishiga ruxsat bergani tanqid ostiga olindi. Uchrashuv Mets shahrida o‘tgan va mingga yaqin kishini to‘plagan, deb xabar bermoqda AFP.

Chovusho‘g‘lu turk telekanallari orqali namoyish qilingan nutqida unga namoyish o‘tkazishga ruxsat bermagan Niderlandiya nomiga tanqidiy fikrlar bildirgan. Jumladan, u Niderlandiyani "fashizm poytaxti" deb atagan.

Fransiya hukumati mamlakat hududida Chovusho‘g‘lu ishtirokidagi namoyishni o‘tkazishga ruxsat bergani fransuz muxolifati tomondan ko‘plab tanqidlarga uchradi. "Bu vaziyatda Turkiyaning talablarini anglab olish uchun umumiy pozitsiyaga mos ish tutish kerak edi. Fransiya hukumati bu namoyishning o‘tishiga xalaqit berishi kerak edi. Fransua Olland Yevropa birdamligi tamoyilini qo‘pol buzdi", deb aytdi "Respublikachilar" partiyasi vakili Fransua Fiyon.

Chovusho‘g‘lu Niderlandiya va Turkiya o‘rtasida vujudga kelgan siyosiy mojaroga sabab bo‘ldi: Niderlandiya hukumati Chovusho‘g‘lu samolyotiga mamlakatda qo‘nishga ruxsat bermagan.