Turkiyaning yuk kemasi O‘rta Yer dengizi hududida, Liviya qirg‘oqlari yaqinida cho‘kib ketdi. The Libya Observer portali ma'lumotiga ko‘ra, 8 nafar dengizchi halok bo‘lgan, 5 kishi qutqarib qolingan.
Dastlabki ma'lumotlarga ko‘ra, ularning barchasi Turkiya fuqarolari edi.
Liviya sohil qo‘riqlov xizmatining qayd etishicha, hodisa Misrat porti yaqinida ro‘y bergan. Hududda kuchli dovul turgandi. Kemaga marmar bloklari ortilgandi.
Ayni vaqtda hodisaning boshqa tafsilotlari o‘rganilmoqda.