Video: Kanalizatsiya quvurida tiqilib qolgan timsoh

AQShning Florida shtatida kanalizatsiya teshigida tiqilib qolgan alligator (Amerika va Sharqiy Osiyo timsohi) qutqarib olindi.

Hodisa Oldsmar shahrida ro‘y bergan. Sudraluvchi kanalizatsiya quvuridan chiqmoqchi bo‘lgan, biroq uning harakatlari muvaffaqiyatli yakun topmadi, deb xabar bermoqda Fox News.

Guvohlar yirtqich hayvonlarni tutuvchi xodimni chaqirtirishdi hamda u alligatorni qutqarib olgan. Mahalliy fuqarolardan biri Jon Ruyel tomonidan olingan videokadrlarda erkak timsohni teshikdan chiqarib olish uchun ancha uringanini ko‘rish mumkin.

Xabar qilinishicha, timsohga hech qanday zarar yetmadi.