Tojikiston prezidenti Imomali Rahmon o‘zining to‘ng‘ich o‘g‘li Rustam Imomalini Dushanbe shahri hokimi etib tayinlash haqidagi farmonni imzoladi. Bungacha Rustam Imomali ushbu lavozimni vaqtinchalik egallab kelayotgandi. Farmon 4 aprelda imzolangan.
Rustam Imomali Dushanbening sobiq hokimi, 64 yoshli Mahmadsaid Ubaydulloyev iste'foga ketkazilgach, 12 yanvarda Dushanbe hokimi vazifasini bajaruvchi etib tayinlangandi. Ubaydulloyev ushbu lavozimni 19 yil davomida egallab kelgandi.
Rustam Imomali yangi lavozimni bajarishga kirishgach, muammolarni hal qilishga katta ko‘lam bilan kirishib ketdi.
