Fransiyadagi prezidentlik saylovida Parij vaqti bilan soat 12:00 holatiga ko‘ra, ekzitpollarning ilk natijalari e'lon qilindi.
Belgiyadagi RTBF telekanali ma'lumotiga ko‘ra, exit polls (saylov uchastkasidan chiqishdagi fuqarolar o‘rtasidagi ijtimoiy so‘rov) mamlakatning sobiq iqtisodiyot vaziri, «Marshda» harakati asoschisi Emmanyuyel Makron ustunlikka erishayotganini ko‘rsatgan. Uning natijasi 24 foizga teng bo‘lib turibdi. Ikkinchi o‘rinda «Milliy front» yetakchisi Marin Le Pen — 22 foiz, uchinchi o‘rinda sobiq bosh vazir, «Respublikachilar» partiyasi vakili Fransua Fiyon — 20,5 foiz, to‘rtinchi o‘rinda esa «Bo‘ysunmagan Fransiya» harakati vakili Jan-Lyuk Melanshon — 18 foiz.
Bundan oldinroq 22 aprel kuni Fransiyaning dengiz orti hududlarida o‘tkazilgan saylov natijalariga ko‘ra, Melanshon ustun kelgani haqida xabar berilgandi.
