Fransiyadagi saylov. Ikkinchi turga o‘tgan nomzodlar ma'lum

Fransiya prezidentligi saylovida sobiq iqtisodiyot vaziri Emmanyuel Makron va «Milliy front» partiyasi yetakchisi Marin Le Pen ikkinchi turda ishtirok etadi. Ekzit-pollar natijalari RTBF telekanalida e'lon qilindi.

So‘rovlar natijalariga ko‘ra, Makron 24 foiz ovoz olgan, Le Pen esa — 22 foiz.

«Respublikachilar» partiyasi vakili Fransua Fiyon 20,5 foiz, yana bir nomzod Jan-Lyuk Melanshon esa 18 foiz ovoz olgan.

Bundan avvalgi xabarlarda Fransiyaning dengiz orti hududlaridagi ovoz berishlar natijalariga ko‘ra Jan-Lyuk Melanshon yetakchilik qilgani aytilgandi.

Ikkinchi tur 7 may kuni bo‘lib o‘tadi.