12:56 / 27.04.2017
8983

NASA olimlari Yerga o‘xshash muz bilan qoplangan ekzosayyorani aniqlashdi

Foto: NASA

Amerika Aeronavtika va fazoviy kengliklarni tadqiq qilish Milliy boshqarmasi (NASA) avval ma'lum bo‘lmagan ekzosayyorani aniqladi. U Yer vazniga teng og‘irlikda bo‘lib, o‘z yulduzidan Yer va Quyosh o‘rtasidagi masofaga teng uzoqlikda joylashgan. Bu haqda NASA saytiga joylashtirilgan xabarda ma'lum qilingan.

"Ushbu muzli sayyora mikrolinzalash (uzoqdagi obektlarni boshqa fazoviy jismlarga qaytuvchi yorug‘liq nuri manbasini topish) usuli yordamida aniqlangan eng kichik sayyoradir", - deygan NASA xodimi Yossi Shvartsvald.

Boshqarmaga ko‘ra, Yer va OGLE-2016-BLG-1195Lb nomini olgan sayyora o‘z quyoshlaridan bir xil masofada joylashgan. Biroq, yangi sayyora juda zaif bo‘lgani bois, u yerda hayot bo‘lishi dargumon. Shunga qaramay, mazkur kashfiyot, galaktikamizdagi boshqa sayyoralar tizimini o‘rganishda qo‘l keladi, deb uqdirmoqda NASA.

Mavzuga oid
Top