Boks bo‘yicha Osiyo chempionatining 75kg vazn toifasidagi chorak final ishtirokchilari ma'lum bo‘ldi 

“O‘zbekiston” sport majmuasida boks bo‘yicha kattalar o‘rtasida 29-Osiyo chempionatida 75 kg vazn toifasida ham chorak final ishtirokchilarining nomlari aniq bo‘ldi. 

Ushbu vazn toifasida dastlab qozog‘istonlik Omonqul Abilxon xitoylik Ven Yinhangga qarshi jang olib bordi va g‘alaba qozondi. Endi u chorak finalda mo‘g‘ulistonlik Jargal Otgonjargal va suriyalik Azziz Abdul Mu'in juftligi bo‘lgan Abdul Mu'in bilan kuch sinashadi. 

So‘nggi ikki juftlikda yaponiyalik Takashi Makoto filippinlik Marsial Eumirga qarshi, o‘zbekistonlik Isroil Madrimov falastinlik Abudabat Qosimga qarshi ringga chiqishdi. 

Ushbu juftlik g‘oliblari bo‘lgan filippinlik Marsial Eumir va o‘zbekistonlik Isroil Madrimov o‘zaro kuch sinashadi.