Boks bo‘yicha Osiyo chempionati ilk yarim finalchilar juftligi ma'lum bo‘ldi

“O‘zbekiston” sport majmuasida bo‘lib o‘tayotgan boks bo‘yicha 29-Osiyo chempionatining birinchi yarim final juftliklari ma'lum bo‘ldi. 

Unga ko‘ra, 56 kg vazn toifasi bo‘yicha o‘tkaziladigan yarim final janglarida:

Murodjon Ahmadaliyev (O‘zbekiston)  –   Han Yonghung  (Janubiy Koreya)
Qayrat Yeraliyev              ( Qozog‘iston ) –  Jang Jiyavey (Xitoy) 

56 kgli bokschilarning chorak final bahsini boshlab bergan o‘zbekistonlik Murodjon Ahmadaliyev va butanlik Dorji Nima juftligida Ahmadaliyevning qo‘li baland kelgan edi. 

Murodjon Ahmadaliyev ustunligida o‘tgan bahs ikkinchi raundda to‘xtatildi. Bunga butanlik bokschining kuchli zarbalardan so‘ng ikkinchi marotaba nokdaun holatiga tushgani hamda murabbiylari o‘yinni to‘xtatishga qaror qilgani sabab bo‘ldi.