Kobuldagi portlash vaqtida NATOning 3 harbiysi jabrlangan

NATOning Afg‘onistondagi missiyasi tarkibidagi 3 nafar harbiy xizmatchisi Kobuldagi portlash tufayli jarohatlangan.

"Zirhli texnikalar kolonnasi Kobul ichkarisida harakatlanayotgan vaqtda xudkush terrorchi hujumiga uchradi. 3 nafar harbiy xizmatchi jarohatlangan, ularning hayotiga jiddiy xavf yo‘q. Barcha jabrlanuvchilar ayni vaqtda shifoxonada shifokorlar nazoratida bo‘lib turishibdi", deyilgan tashkilot tvitterida.

Bundan oldinroq chorshanba tongida Afg‘oniston poytaxtida, AQSh elchixonasi yaqinida harbiy kolonna o‘tayotgan vaqtda kuchli portlash ro‘y bergani xabar qilingandi. Afg‘oniston IIV bu portlash oqibatida tinch aholi vakillaridan 8 kishi halok bo‘lib, 25 kishi jarohatlanganini tasdiqladi.