23:19 / 05.05.2017
6535

Malayziya samolyotining turbulentlikka tushishi oqibatida 5 kishi jarohat oldi

Foto: channelnewsasia.com

Malayziya yo‘lovchi samolyotining kuchli turbulentlik zonasiga tushishi oqibatida 5 yo‘lovchi jarohat oldi, deb xabar bermoqda Channel NewsAsia.

Telekanal ma'lumotlariga ko‘ra, ushbu voqeaga Malayziyaning AirAsia X aviakompaniyasining Airbus 330-300 samolyoti uchragan. Samolyot Taybeydan Kuala-Lumpurga yo‘nalayotgan bo‘lgan. Samolyotda 302 yo‘lovchi bo‘lgan.

Aviakompaniya vakillarining aytishicha, shifokorlar jarohatlanganlarga yordam ko‘rsatganlar. Aviakompaniya yo‘lovchilarga qanday jarohatlar yetgani haqida ma'lumot bermagan.

1 mayga o‘tar kechasi "Aeroflot" aviakompaniyasining Moskva-Bangkok reysini amalga oshirayotgan Boeing 777 samolyoti qo‘nishga 40 daqiqa qolganda kuchli turbulentlik zonasiga tushgan. Buning oqibatida bir necha yo‘lovchi lat yeyish, suyak sinishi va chiqib ketishi jarohatlari olganlar. 

Top