Janubiy Koreyaga joriy yildagi eng kuchli qum bo‘roni yopirildi

Janubiy Koreyaga joriy yildagi eng kuchli qum bo‘roni yopirildi. Bu haqda Ryonxap agentligi xabar bergan.

Havoda  RM-10 mikrozarralari hajmi belgilangan me'yordan 10 barobarga oshib ketdi va rekord darajaga yetdi. Janubiy Koreya atrof-muhitni tadqiq qilish Milliy instituti ma'lumotiga ko‘ra, havodagi mikrozarralar belgilangan ko‘rsatkichdan ortiq ekani haqidagi ogohlantirish 12 ta shaharda tarqatilgan. Aholiga ko‘chaga chiqamaslik, chiqqan taqdirda ham himoya niqoblarini kiyish tavsiya etildi.

Poytaxt Seulda havoda RM-10 qattiq zarrachalari zichligi bir kub metrga 265 mikrogrammni tashkil etgan. Bir kub metrga 150 mikrogramm ko‘rsatkichida kuzatuv rejimi, 300 milligrammda esa – xavf haqida ogohlantirish e'lon qilinadi.

Seuldan 40 kilometr g‘arbda RM-zarralarining eng baland darajasi qayd etilgan – bir kub metrga 650 mikrogrammgacha.