Ukraina rahbariyati Ikkinchi jahon urushida halok bo‘lganlar xotirasiga hurmat bajo keltirdi

Ukraina rahbariyati 9 may kuni Ikkinchi jahon urushida halok bo‘lganlar xotirasiga hurmat bajo keltirdi. Ukraina poytaxti markazidagi shon-shuhrat bog‘ida prezident Pyotr Poroshenko boshchiligidagi davlatning oliy shaxslari Noma'lum askar haykali poyiga gullar qo‘yishdi.

Askarlar xotirasini yodga olish uchun bu yerga urush faxriylari, diniy jamoatchilik vakillari, diplomatlar keldi.

2015 yilga qadar Ukraina Ikkinchi jahon urushidagi G‘alaba kunini an'anaviy ravishda nishonlab kelgan, so‘ngra Oliy rada qonun qabul qildi, unga ko‘ra, mamlakatda 8 may Xotira va yarashuv kuni o‘tkaziladi, 9 mayda esa Ikkinchi jahon urushida natsizm ustidan qozonilgan g‘alaba Kuni nishonlanadi.