Foto: O‘zA
10 may kuni Toshkent shahrida innovatsion g‘oyalar, texnologiyalar va loyihalar o‘ninchi Respublika yarmarkasi boshlandi.
Yarmarka O‘zbekiston Fan va texnologiyalar agentligi hamda Iqtisodiyot vazirligi bilan hamkorlikda tashkil etildi.
Tadbir korxonalar, ilmiy tashkilotlar va oliy o‘quv yurtlari o‘rtasida o‘zaro manfaatli munosabatlarni yaratishga ko‘mak beradi.
Tashkilotchilar ma'lumotiga ko‘ra, yarmarkada 500 ga yaqin innovatsion g‘oyalar, texnologiyalar va loyihalar beshta an'anaviy yo‘nalish – sanoat, qishloq xo‘jaligi, sog‘liqni saqlash va farmatsevtika, axborot texnologiyalari, fan hamda ta'lim bo‘yicha taqdim etilgan.
