OAV: KXDR «qulay shartlar»da AQSh bilan muloqotga kirishishi mumkin

Foto: Reuters

Shimoliy Koreya o‘ziga «qulay bo‘lgan» shartlarda AQSh ma'muriyati bilan muzokaralar olib borishga tayyor. Bu haqda Yonxap agentligi KXDRning yuqori lavozimli diplomati Chxo Son Xueyga asoslangan holda xabar qilmoqda.

Xabar qilinishicha, «yadro masalalari bo‘yicha muzokaralarda ishtirok etgan shimoliy koreyaliklar jamoasi»ning eng keksa diplomati Norvegiyadan Shimoliy Koreyaga qaytayotgan vaqtda jurnalistlar bilan suhbatlashgan va shu haqda ma'lum qilgan.

Bundan avval, Kiodo agentligi Donald Tramp Shimoliy Koreya yetakchisi bilan uchrashishga tayyorligini bildirgani haqida xabar qilgandi.