O‘zbekiston Moliya vazirligi rahbari Botir Xodjayev boshchiligidagi delegatsiya Osiyo taraqqiyot banki boshqaruvchilar Kengashining 50-yubiley yig‘ilishida ishtirok etdi. Bu haqda vazirlik matbuot xizmati xabar berdi.
OTB boshqaruvchilari Kengashi yig‘ilishi 2017 yilning 5-7 may kunlari Yaponiyaning Yokogama shahrida bo‘lib o‘tdi.
O‘zbekiston delegatsiyasi OTB rahbariyati va boshqa moliya institutlari vakillari bilan qator uchrashuvlar o‘tkazdi.
Tomonlar qo‘shma loyihalarning amalga oshirish jarayoni va hamkorlikni rivojlantirish istiqbollarini muhokama qilishdi.
