Ostonada kunduz kunlari yuk mashinalari harakatlanishi taqiqlanadi

Qozog‘iston poytaxti Ostona shahri politsiyasi 2017 yil 7 iyundan-12 sentabrga qadar  har qanday turdagi yuk mashinasining shaharda harakatlanishini cheklaydi. Mazkur taqiq kunning ertalabki soat 6:00 dan tungi soat 23:00gacha bo‘lgan oralig‘ida amal qiladi. Bu haqda Tengrinews.kz xabar qilmoqda. 

"Ostona ichki ishlar departamenti shuni ma'lum qiladiki, EXPO xalqaro ko‘rgazmasi o‘tkazilishi davrida, ya'ni joriy yil 7 iyun-12 sentabr oralig‘ida yuk  mashinalari harakatlanishi cheklanadi. Ertalab soat 6dan 23:00gacha har qanday turdagi yuk transport vositalari harakatlari cheklanadi", - degan Ostona ichki ishlar departamenti vakili Berik Joldasbekov. 

Uning so‘zlariga ko‘ra, poytaxtdagi korxonalarning tijorat faoliyat yuritishlari va qulayligi uchun 23:00dan ertalab 6:00gacha yuk mashinalari harakatlana oladi.