Turkiyada avtobus YTHga uchradi, qurbonlar ko‘p

Turkiyada Anqaraga ketayotgan yo‘lovchi avtobusining halokatga uchrashi natijasida sakkiz kishi halok bo‘ldi, 34 inson jarohatlandi. Bu haqda Yeni Safak xabar bergan.

Avtobus haydovchisi taxminan soat 06:00 da boshqaruvni yo‘qotgan, natijada avtomobil to‘ntarilib ketgan.

Ta'kidlanishicha, 11 kishi og‘ir holatda kasalxonaga yetkazilgan.

Anqara gubernatorining ma'lum qilishicha, halokat avtobus haydovchisi rulda uxlab qolgani tufayli yuz berdi.

Ushbu holat bo‘yicha surishtiruv boshlangan.