Shri-Lankada tabiiy ofat qurbonlari soni 164 kishiga yetdi

Shri-Lankada suv toshqinlari va ko‘chkilar tufayli halok bo‘lganlar soni 164 kishiga yetdi. Tabiiy ofat kuchli yomg‘irlar sabab yuz bergan, deb xabar bermoqda Sinxua agentligi.

Avvalroq 146 inson halok bo‘lgani va 500 mingga yaqin kishi boshpanasiz qolgani xabar qilingandi. Shri-Lanka prezidenti Maytripala Sirisena o‘tgan dam olish kunlari mamlakatning eng ko‘p zarar ko‘rgan hududlariga borib, mahalliy aholini ular uchun yangi uylar qurilishi haqida xabardor qilgan.

Bundan avval Haitida ham kuchli suv toshqinlari yuz bergani haqida xabar qilingandi.