Foto: Twitter.com/@RudawEnglish
Bag‘dod markazida minalashtirilgan avtomobilning portlatilishi oqibatida 10 kishi halok bo‘ldi, 22 kishi jarohat oldi. Bu haqda Iroq hukumatiga iqtibos keltirgan holda Associated Press axborot agentligi xabar bermoqda.
Voqea kechki payt yuz bergan. Mashina muzqaymoq sotiladigan do‘kon oldiga qo‘yib ketilgan. Taxmin qilinishicha, kunning bu vaqtida odamlar bilan gavjum bo‘ladigan muzqaymoq do‘koni nishonga olingan.
Ushbu terakt uchun javobgarlikni IShID terrorchilik guruhi o‘z zimmasiga oldi.
