KXDR: AQShning bombardimonchi samolyoti yadro bombasini tashlash bo‘yicha mashqlar o‘tkazdi

Janubiy Koreya Amerikaning tovushdan ham tez uchadigan strategik bombardimonchi samolyoti B-1B Lancer bilan qo‘shma mashqlar o‘tkazganini ma'lum qildi, deb xabar bermoqda Reyter agentligi.

Mashqlar dushanba kuni bo‘lib o‘tgan, deya ma'lum qilgan Janubiy Koreya mudofaa vazirligi vakili Mun Sangen.

Agentlik ma'lumotiga ko‘ra, KXDR davlat OAV seshanba kuni B-1B Lancer bombardimonchi samolyoti Janubiy Koreya ustidan, “yadro bombasini tashlash bo‘yicha mashqlar” doirasida uchib o‘tganini xabar qilishgan.

Amerikaning B-1B Lancer bombardimonchi samolyoti 1970-yillar o‘rtalarida ishlab chiqilgan. U 1984 yilda qurolli kuchlarga topshirilgan. B-1B’ning radiolokatsiya jihatidan payqalishi qiyin bo‘lgan texnologiya va o‘ta past balandlikda parvoz qilishi imkoniga ega modifikatsiyasi 100 ta nusxada yaratilgan. Modelni ishlab chiqarish 1988 yilda yakunlangan.