AQSh Rossiya, Xitoy va Shimoliy Koreya fuqarolariga qarshi sanksiyalar kiritdi

AQSh Shimoliy Koreya yadroviy dasturi rivojlantirilishi bilan bog‘liq holda Rossiya, Xitoy va Shimoliy Koreya fuqarolariga nisbatan sanksiyalar kiritdi.

Bayonotda ta'kidlanishicha, sanksiya ostiga Shimoliy Koreyaning Korea Tangun Trading Corporation kompaniyasi bilan bog‘langan rossiyalik Igor Michurin tushgan.

Avvalroq Italiyaning Taormina shahrida o‘tgan G7 sammiti yakunlariga ko‘ra, yettilik davlatlari yetakchilari Pxenyanga nisbatan bosimni kuchaytirishga kelishib olishgandi. Rossiya bunday yondashuvni nomaqbul deb atagan.

"Rossiya hech qachon sanksiyalar bilan muloqot qilish tarafdori bo‘lmagan. Biz buni mavhum va istiqbolsiz yondashuv deb hisoblaymiz", deb aytgan Rossiya prezidenti matbuot kotibi Dmitriy Peskov.