OAV: AQSh Senati Hillari Klintonga qarshi yangi tergov o‘tkazmoqda

AQSh Senati huquqiy qo‘mitasi rahbari Chak Grassli mamlakatning sobiq davlat kotibi Hillari Klintonga nisbatan surishtiruv ishlarini olib bormoqda. Bu haqda Daily Caller yozmoqda.

Gap mamlakat prezidentligiga sobiq nomzodning Bangladeshda tadbirkor Muhammad Yunusga qarshi korrupsiya mojarosini yopdi-yopdi qilishga urinishi haqida bormoqda. Nashrning yozishicha, Klinton go‘yoki, tergovni to‘xtatishni talab qilib mamlakat bosh vaziriga bosim o‘tkazgan. 

Muhammad Yunus Clinton Foundation jamg‘armasi homiysi va Klintonlar oilasining yaqin do‘stlaridan biri hisoblanadi. 

Grassli davlat kotibi Reks Tillersondan ikki hafta ichida ushbu ishga doir barcha hujjatlarni qo‘mitaga topshirishni talab qilgan. 

Bu 2016 yil noyabr oyida bo‘lib o‘tgan prezidentlik saylovlaridan keyingi Hillari Klintonga nisbatan olib borilayotgan ilk surishtiruvdir. Bundan tashqari, Senat sobiq davlat kotibining shaxsiy elektron pochtasidan foydalangan holda xizmat yozishmalarini olib borganini ham o‘rganmoqda.