Saudiya Arabistoni va BAA Qatarni shakarsiz qoldirdi

Foto: @shalome05 / AP

Saudiya Arabistoni va Birlashgan Arab Amirliklari (BAA) Qatar bilan diplomatik aloqalarni uzishgandan keyin bu davlatga qand lavlagidan olinadigan shakar eksportini to‘xtatdilar. Bu haqda 5 iyun kuni Reuters axborot agentligi ma'lum qildi.

Qatar shakarni asosan Saudiya Arabistoni va BAAdan oladi. Ushbu davlatlar Qatarga yiliga 100 ming tonnaga yaqin shakar yetkazib berishadi.

Avvalroq axborot agentligi Qohira Doha bilan diplomatik aloqalarni uzishini e'lon qilgandan bir necha soat o‘tib Misr banklari Qatarning kredit tashkilotlari bilan hamkorlikni to‘xtatganlarini ma'lum qilgandi. Bundan tashqari, Qatarning QE All Share fond bozorining indeksi savdolar vaqtida 8 foizdan ko‘proqqa tushib ketgan.

5 iyunda 6 ta arab davlati (BAA, Misr, Bahrayn, Saudiya Arabistoni, Yaman va Liviya) hamda Maldiv va Mavrikiy Qatarni terrorchilikni qo‘llab-quvatlashda ayblab, u bilan diplomatik aloqalarni uzishga qaror qildilar.

Tayyorlagan: Шуҳрат Раҳимов

#Saudiya Arabistoni #BAA #Qatar #shakar

Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.