Turkiyada harbiylar ketayotgan avtobus ag‘darilib ketdi, ko‘plab odamlar jarohat oldi

Turkiya shimolidagi Samun viloyatida harbiylar ketayotgan avtobus yo‘l-transport hodisasiga uchrashi oqibatida 47 kishi jarohat oldi. Bu haqda NTV telekanali xabar bermoqda.  

YTH Kavak shahri yaqinida yuz bergan. Dastlabki ma'lumotlarga ko‘ra, haydovchi boshqaruvni qo‘ldan chiqarishi oqibatida avtobus trassadan chiqib ketib, ag‘darilib ketgan. Oqibatda 46 harbiy jabrlangan.  

Voqea joyiga tez yordam mashinalari va politsiya yetib kelgan. Barcha jarohatlanganlar mahalliy shifoxonalarga tezkorlik bilan yetkazilganlar.