«Barselona» va Braziliya terma jamoasi hujumchisi Neymar Los-Anjyelesda joylashgan Hollivud bulvari orqali darvozani aniq nishonga oldi. Braziliyalik futbolchi bu tryukni Jimmi Kimmelning ABC telekanalida efirga uzatiladigan shousi uchun bajargan.
Neymar Hollivud bulvarining bir tomonida to‘pni o‘rnatib, ikkinchi tomonda o‘rnatilgan darvozani aniq nishonga olgan.
Futbolchi bu ishni uchinchi urinishda amalga oshirganiga guvoh bo‘lishimiz mumkin. Dastlabki ikki zarba bulvar bo‘ylab qad rostlagan devorlarga tegib pastga tushgandi.
