Londonda xavfsizlik maqsadida g‘ovlar o‘rnatilishi mumkin

Londonda xavfsizlik maqsadida g‘ovlar (barrikadalar) paydo bo‘lishi mumkin. Bu haqda London politsiyasi ma'lum qildi.    

Hozir shahar rahbariyati odamlar gavjum bo‘ladigan va asosiy diqqatga sazovor joylarda g‘ovlar o‘rnatish masalasini muhokama qilmoqda. Shuningdek, xavfsizlikni kuchaytirishning boshqa choralarini, jumladan yozgi ommaviy tadbirlar vaqtida kiritish masalasi ham ko‘rilmoqda.    

"Agar siz biror noodatiy yoki shubhali narsani payqasangiz, agar siz shunchaki qandaydir noxushlik sezsangiz, o‘z sezgilaringizga ishonib, iltimos bu haqda  xabar bering", deb aytilgan London politsiyasi saytida.