Top Gear ko‘rsatuvining sobiq boshlovchisi Shveytsariyada avtofalokatga uchradi

Buyuk Britaniyada efirga uzatiluvchi, avtomobillar haqidagi Top Gear ko‘rsatuvining sobiq boshlovchisi Richard Xammond Shveytsariyaning Sankt-Gallen kantonida yuz bergan avtofalokatdan keyin shifoxonaga yetkazildi. Bu haqda 20 Minuten portali xabar bermoqda. 

Ta'kidlanishicha, Xammond boshlovchilik qiluvchi The Grand Tour teleshousida ishtirok etgan Rimac Concept One sportkari yo‘ldan chiqib ketib, yonib ketgan. Boshlovchi shifoxonaga vertolyotda yetkazilgan.

Top Gear’ning boshqa bir sobiq boshlovchisi Jyeremi Klarkson tvitterda Xammondning yo‘l-transport hodisasiga uchraganini tasdiqlagan. 

"Bu men ko‘rgan eng katta va eng dahshatli avariya bo‘ldi. Xayriyatki, Richardga hech narsa qilmagan ko‘rinadi", deb yozgan Klarkson.

2006 yil 20 sentabrda ham Xammond Top Gear ko‘rsatuvini York yonidagi Buyuk Britaniya harbiy-havo kuchlarining sobiq aerodromida suratga olish vaqtida yuz bergan avariyada jiddiy jarohat olgandi. Avariya vaqtida u mashinada 464 km/soat tezlik bilan harakatlanayotgan bo‘lgan. Boshlovchi davolangandan keyin teleshoudagi faoliyatini yana davom ettiravergan.