Ukraina Qozog‘istonga "Antonov" samolyotlarini yetkazib bermoqchi

Ukraina mintaqaviy rivojlanish, qurilish va uy-joy kommunal xizmatlari vaziri Gennadiy Zubko Qozog‘istonni An-148 va An-158 samolyotlari bilan ta'minlash rejasi ustida ish olib borilayotganini ma'lum qildi. Bu haqda Ukraina vazirlar mahkamasi matbuot xizmati xabar berdi.     

"Ukrspetseksport" davlat kompaniyasi va "Qozog‘iston aviatsiya sanoati" MChJ bilan Ostonadagi aviatsion-texnik markaz negizida "Antonov" oilasiga kiruvchi samolyotlarga texnik xizmat ko‘rsatish bo‘yicha servis markazi yaratish bo‘yicha kelishuvga erishildi", deb ma'lum qildi Zubko. 

Ukraina Qozog‘istonga samolyotlardan tashqari yangi vertolyot dvigateli TV3-117VMA-SBM1V, D-36 oilasiga kiruvchi dvigatellar va TV3-117 dvigatellarini kapital ta'mirlash imkoniyatini taklif qildi.